Description

Фрагмент гравюры Горадні 1568 года рэканструяваны па адзінкавых адбітках, якія захаваліся ў розных кутках свету.
Арыгінальная медная форма 1568 года не захавалася.

Выданне гравюры, верагодна, мела на мэце пазнаёміць еўрапейскі палітычны бамонд з важным горадам у будучай Рэчы Паспалітай (у 1569 годзе будзе заключана Люблінская унія) і ўмацаваць палітычную вагу Горадні.

Панарама Горадні Адэльгаўзера-Цюнта – першая сапраўдная выява беларускага горада і месціцца ў пачатку сусветнага спісу найбольш буйных і ранніх медзярытаў з выявамі гарадоў. Поўны памер гравюры быў 102×36 см.

На гравюры выяўлена падрабязная панарама Горадні, на фоне якой гарадзенскі маршалак Іван Валовіч сустракае маскоўскае, турэцкае, татарскае і валаскае пасольствы ў ліпені 1567 года.

На фрагменце абазначаны:
Arx Latericia – мураваны замак.
Domus Regia – каралеўскі дом.
Arca ad domum Regiam – двор каля каралеўскага дома.
Templum muro circumdatum Russorum – руская царква, абнесеная мурам.
Templum Polonorum in Urbe – польскі храм у горадзе.
Curia – магістрат (гарадская рада).