Description
КНІГА ВЫЙШЛА!
Самы цымус: Смакі і водары беларуска-яўрэйскай кухні
На свеце напісана і выдадзена процьма кніг пра габрэйскую кухню. Самых розных – сур’ёзных, вясёлых, лёгкіх, грунтоўных, мудрагелістых, трагічных… А пра гісторыю кухні беларускай кніг зусім няшмат. І вось новая кніга, незвычайная. Пра габрэйскую і беларускую кухню адначасова. І нават болей: пра кухню трох гістарычных персанажаў, што да пары жылі на адной зямлі:
- селяніна,
- пана,
- местачковага рамесніка і гандляра.
Як такое магчыма?
А бо і пан, і жыд, і мужык – маючы розную свядомасць і розныя традыцыі – елі той самы крупнік. Або бабку. Або кішку. Хоць і гатавалі іх крыху па-рознаму, і елі пад розныя нагоды. Гэтая кніга – пра знакавыя супольныя стравы трох культур.
Пра самы цымус.
15 нарысаў і некалькі дзясяткаў арыгінальных рэцэптаў ад выдатнага знаўцы гістарычнай кухні Алеся Белага. Аўтарскія ілюстрацыі Юрыя Таўбкіна.
Цвёрдая вокладка.
Siarhei –
Вось я і трымаю яе ў руцэ. Мастацкая кніга + падручнік па гісторыі + шэраг кулінарных рэцэптаў. Гэта толькі першае уражанне, але я вельмі задаволены.
Праходзячы са Слоніма, які быў вядомым габрэйскім мястэчкам у мінулым, мне было вельмі цікава дакрануцца да гэтага боку гісторыі.
Вельмі добра зроблены, цікава напісаны, варты кожнага беларуса, які цікавіцца сваёй гісторыяй…
Хутка пачнем спрабаваць стравы)