Апісанне

“Калі вы спазналі ўсю жорсткасць і жахі жыцця і здолелі не закрычаць, схапіўшыся за галаву, а кпліва засмяяцца — вы Алена Германовіч. Яна такая.
Чытаючы кнігу, ты нібыта брыдзеш са звычайнымі, нікому апрача аўтаркі не цікавымі людзьмі па пакручастым шляху проста да далягляду, і вы ўсе разам — выпадковыя спадарожнікі жыцця. Падарожнікі ў даліну. Але па дарозе можна ж расказаць адно аднаму і страшнае, і смешнае.

Кніга надзіва чалавечная, як усмешка стомленага — “заўсёды ў гэтым свеце ў кожнага ёсць больш важныя справы, чым ты”.
Чытала не адрываючыся”.
(с) Святлана Курс
_______________________
Алена Германовіч — беларуская журналістка.
Нарадзілася ў вёсцы Раднікі Валожынскага раёна, жыла ў Гомелі, на час выхаду кнігі жыве ў Польшчы. Шмат гадоў жыцця прысвяціла расследаванням, гучным крымінальным і судовым справам, абароне тых, хто не можа сам абараніцца.
Пранікала ў розныя месцы і трапляла ў розныя сітуацыі, пісала аўтарскі праект па падарожжах па маленькіх вёсках — рабіла тое, што любіла і ўмела, і тое, што напаўняла сэрца.

Алена Германовіч, Алена Германавіч, Елена Германович, Alena Hiermanovič, Alena Hermanovich, Elena Germanovich, Aliona Hiermanovic, Alyona Germanovich, Alena Giermanowicz, Elena Germanowicz, Alena Hermanovic.