Проза
Паэзія
Пераклады
Дзеткам
Мапы
Гульні
Апісанне
Сем кароткіх гісторый з рэальнага жыцця пра малога хлопчыка Томчыка і яго сям’ю.
Вершы ў прозе на беларускай і англійскай мовах.
Новая кніжка Сяргея Календы пра штодзённае жыццё малога Томчыка і яго сям’ю ў духу Мантэсоры: перадусім павага і ўвага да патрэбаў і стану дзіцяці. Томчык гуляе, выбірае цацкі, плача ад стомы, гуляе ў хованкі і шукае мора — у кожным моманце свайго жыцця ён сустракае спрыянне і падтрымку з боку дарослых.
Змест
Сонца
Томчыку вельмі горача і хочацца спаць, але заснуць ён не можа, а толькі плача. Разам з ім плачуць мама, тата, фінікавыя пальмы, валізкі і нават Тутанхамон.
Машыны
Томчык з татам ідуць выбіраць машынку — і нягледзячы на вельмі складаны выбар, дамаўляюцца! (Назвы ўсіх магчымых машынак па-беларуску і па-англійску!)
Мора
Ці можна назваць морам лужыну або басейн? Можна, калі яны прыносяць гэтулькі ж радасці!
Мячыкі
Томчык збіраецца на двор і шукае свае мячыкі. У яго іх страшэнна шмат: і футбольны, і баскетбольны, для тэнісу і гульні ў валейбол, а болей за ўсё — вясёлых паскакунчыкаў. Але пакуль іх усе знойдзеш пад ложкам і за канапай, напаткаеш і іншыя цікавыя рэчы. Аёй, хоць бы паспець, пакуль не пайшоў дождж!
Хованкі
А вы ведаеце, дзе найлепшае месца, каб ніхто не знайшоў?
Простыя рэчы
Гісторыя, якая раскрывае Томчыкаў рэцэпт шчасця.
Сон
Сям’я Томчыка едзе ў Вільню — і хлопчыку вельмі хочацца ўсяго таго, чаго няма ў машыне. І толькі прыехаўшы, ён знаходзіць тое, чаго хацелася напраўду.
Юля –
Нечакана добрая кніга. Здаецца, для дарослых не меней, чым для дзяцей.
kniznyja_razmovy –
Гэта 7 кароткіх гісторый з жыцця маленькага Томаса і яго сям’і – мамы, таты і старэйшага брата. Кніга дзвюхмоўная – беларуска-англійская.
👨🏼 Томчык гарэзлівы і цікаўны, з Томчыкам бывае няпроста. У іранічных ( месцамі – абсурдных) гісторыях я пазнавала сябе, а ў няўрымслівым Томчыку – сваіх дзяцей.
🏜 З Томчыкам здараецца рознае. Напрыклад, сям’я прылятае ў Егіпет на адпачынак, а хлопец не ў гуморы, бо не спаў нармальна. Але спаць ён не хоча, а хоча гуляцца, аднак сілаў няма, бо не спаў. І ён плача. А яшчэ плача мама, плача тата, плачуць афіцыянты і турысты, крабы і медузы. Нават Неферціці на падарункавым кубачку плача, а Тутанхамон на папірусе глядзіць сурова і ледзь стрымлівае слёзы.
🛻 Томас віртуозна ўмее выбіраць машынкі, перабраўшы разам з таткам увесь асартымент цацачнай крамы. Любіць гуляць з мячамі на дварэ, і дома мае цэлы арсенал мячоў і мячыкаў, самыя дробныя з якіх надзейна хаваюцца пад бацькоўскім ложкам. Томчык гатовы ў любой лужыне і ручаіне пабачыць мора. Напрыканцы кнігі хлопчык едзе ў Вільню. У дарозе яму, вядома, становіцца нудна, і Томас плача, а пасля просіць марозіва, шакаладу, чупа-чупс, пажарную машыну, свінку Пэпу, Маланку Маккуіна. Але ледзь машына заязджае ў горад, Томас пачынае ўважліва яго вывучаць праз акно. Сонны, у кватэры, у якую трапляе першы раз, Томчык паведамляе, што ён дома, і засынае.
👨🏻 Я прапанавала пачытаць кнігу Захару і яму спадабалася. Сямігадовага тут чапляе не тое, пра што, а тое – як. Шматлікія паўторы, пералічванне ўсіх магчымых машынак, відавочнае перабольшванне (пад ложкам аказваецца 343 мячыкі-папрыгунчыкі) – гэта весела, гэта цікава!
– Мама, ну не можа быць столькі мячыкаў! – ускліквае Захар. – Не бывае такога!
А я звяртаю ўвагу на тое, што мячыкі лічыў Томчык, а ён мог гэта зрабіць “па-свойму”. І нагадваю пра даўняе Захаркава: 2+2=22.
🎨 Малюнкі ў кнізе дакладна адлюстроўваюць сюжэт, і гэта таксама ўпадабаў Захар: разглядаў машынкі і цешыўся, калі бачыў падобныя на свае, рагатаў з крабаў, якія плачуць, і ўдакладняў, ці сапраўды Томчык і тата выглядаюць так, як на малюнках.
Katsiaryna –
Купіла гэтую кнігу для свайго сына (3 гады) і яму вельмі спадабалася! Улюбёныя гісторыі пра машыны і хованкі, чытаем амаль кожны вечар.
kniznyja_razmovy –
Класная кніжка, каб парагатаць разам з малечай. Яе ўпадабаў нават мой 8-гадовы хлопец❤️
Наталля –
Ура! Я даўно марыла пачытаць дачушцы гэту кнігу і нарэшце! Дачушка дужа ўпадабала. Наогул кніга разлічана на дзетак-дашкольнікаў, але і мая 2-класніца была ў захапленні. Прыемна ўспомніць пра сябе маленькую:)))