Апісанне

Літаратурная спадчына народнага пісьменніка Беларусі Івана Чыгрынава (1934–1996) — гэта глыбокае і шчырае мастацкае даследаванне лёсу беларусаў у самыя драматычныя часы нашай гісторыі.

Том 1. Раманы «Плач перапёлкі» і «Апраўданне крыві». Трагічны 1941 год на ўсходзе Беларусі, паказаны праз лёс звычайных людзей.

Том 2. Раманы «Свае і чужынцы» і «Вяртанне да віны». Гісторыя барацьбы, маральнага выбару і жыцця пад акупацыяй.

Том 3. Заключны раман пенталогіі пра Другую сусветную вайну, апавяданні розных гадоў, у тым ліку «Кароткія апавяданні», створаныя ў апошнія гады жыцця аўтара, якія друкуюцца ўпершыню.

Том 4. Увесь спектр драматычных твораў пісьменніка, якія сталі класікай беларускай сцэны.

Том 5. Выбраныя артыкулы і эсэ, якія раскрываюць Івана Чыгрынава як глыбокага мысляра, грамадскага дзеяча і публіцыста.