Апісанне

Уладзімір Някляеў (нар. 1946) — беларускі паэт, адзін з найвыбітнейшых прадстаўнікоў традыцыйнай плыні паэзіі беларускага Адраджэння. Ён заўсёды займаў актыўную грамадскую пазіцыю, узначальваў Беларускі ПЭН-цэнтр. У 2010 годзе ўдзельнічаў у прэзідэнцкіх выбарах, быў збіты і затрыманы. У выніку рэпрэсій шмат гадоў правёў у эміграцыі. У 2021–2022 гадах жыў у Кракаве як стыпендыят Інстытута культуры Віла Дэцыюса ў межах Міжнароднай сеткі гарадоў-прытулкаў (ICORN).

Зборнік выбраных твораў пад назвай «Сам» вызначае творчы шлях Някляева. Кніга змяшчае вершы, напісаныя за апошнія пяцьдзясят гадоў, а таксама «Апошняе слова абвінавачанага» Уладзіміра Някляева перад судом у Мінску 18 мая 2011 года — сведчанне невінаватасці і адказ на абвінавачанні, высунутыя аўтару рэжымам Лукашэнкі.

«Загалоўнае слова “сам” тычыцца як верша і ўсёй кнігі, так і асноўнай ідэі, якая пазначае і арганізуе паэтычную спадчыну Някляева. Праз гэтае слова-ключ паэт набліжаецца да філасофіі экзістэнцыялізму — яна сцвярджае, што імкненне да праўды і жаданне свабоды асуджаюць чалавека на духоўную адзіноту, неразуменне, адчужанасць і выгнанне» — Аляксандр Распопаў.