Description
Хто жыве ў гаражы: вершы пра машынкі. 0+
Кардонная кніжка з вершамі Андрэя Скурко і малюнкамі Волі Кузьміч.
Пра транспарт і яго выпрабаванні. Усё будзе буксаваць і разлівацца, раскручвацца і адвальвацца — ведаем, што любяць малыя.
Ці ты хлопчык, ці дзяўчынка —
Даставай свае машынкі!
Адчыняйце гаражы:
Хто што мае — пакажы!
Змест
- Бетонамяшалка
- Экскаватар
- Мікрааўтобус
- Грузавік
- Джып
- Кабрыялет
- Гоначная машына
- Балада пра эвакуатар
- Пад’ёмны кран
- Палівальная машына
- Пажарная машына
- Смеццявозка
- Малакавоз
- Кадзілак
- Трактар і трамвай
- Сіні трактар
sobakabassia –
Я влюбилась в книгу со второй строчки самого первого стишка. Потому что книга обращается к мальчикам и (хвала автору) к девочкам, и как же это подкупает! Ну а дальше я зову вас нырнуть по самые ушки в песочницу с разными машинками, о которых мы и будем читать. В стихах! И на МОВЕ!
kniznyja_razmovy –
Вершы пра машынкі, па маім уласным досведзе, – мастхэв для ўсіх дзяцей 1,5+.
Транспарт, будаўнічая тэхніка, легкавыя аўтамабілі – тое, што прыцягвае ўвагу на шпацырах, за чым цікава назіраць і ва што проста і весела гуляць.
Katsiaryna (verified owner) –
Кніга вельмі падабаецца майму трохгадоваму сыну, некаторыя радкі ўжо завучыў і сам расказвае. Вельмі якасна зроблена, тоўстыя старонкі, можна пакупаць і для зусім маленькіх дзетак.
kniznyja_razmovy –
Кніжка-мастхэв для ўсіх аматараў машынак: грузавік, мікрааўтобус, экскаватар, смеццявоз, палівальная машына і пажарная, кадзілак і кабрыялет, і нават сіні трактар (belarusian edition 😁) – усё тое, што становіцца дужа важна і цікава, калі табе 2-3 гады.
🎨 Яркая, вялікая, кардонная – каб доўга-доўга радаваць чытачоў, нават тых, хто схільны да актаў кніжнага вандалізму. Ілюстрацыі Волі Кузьміч, з аднаго боку, вельмі блізкія да тэксту, з іншага – маюць багата дэталяў, якія будзе цікава разглядаць не толькі малечы. Назвы кніжак, надпісы на машынах, указальнікі, колеры, коцікі (асабліва адзін, які павернуты да чытача дупкай 😁), смеццесартавальны лабірынт… Вам дакладна спадабаецца 👌
🍒У вершах Андрэя Скурко файныя сюжэты: яны адначасова пра вечныя каштоўнасці (пра бабуліны грады, напрыклад 😁, ці пра родныя мясціны), але без пафасу – з блізкімі малечы сітуацыямі і добрым гумарам.
📌 Дзе дзяецца, дзе знікае
Тое, што мы выкідаем?
Шкарлупінка ад яйка
І пакет ад малака,
Ад цукерачак абгорткі,
Агурок, што быў нам горкі,
Парасон, што кот падраў,
І вазон, што сам упаў…
Ці:
📌 Джып на тое ён і джып,
Каб памерыць ім углыб
Гразь любую і ваду,
Што на вуліцы знайду.
👵🏻 А вось гэты вершык кране сэрца кожнай бабулі:
📌 Між гарохам і салатай
Я паставіў экскаватар.
Трэба выкапаць равок
Да грады, дзе кабачок,
Бо ў бабуліны гародзе
Не паўсюль вада даходзіць.
Вікторыя (verified owner) –
Дзяўчатам кніга спадабалася. (4 гады) Ведаем на памяць 😆