Апісанне

МІСТЫКА / ТРЫЛЕР / КАХАННЕ / ДЭТЭКТЫЎ / ФОЛК

Самыя яскравыя моманты, самыя цёплыя ўспаміны здольныя ўмомант счарнець.

Што Сяргей робіць у Нарвегіі, якіх адказаў шукае тут, ля скалы-кафедры, куды людзі прыязджаюць праверыць, наколькі яны жывыя? Летась ён пахаваў жонку. Яна памерла ад хваробы, ніхто яе не забіваў, але патрэбны хаця б не вінаваты — адказны за няшчасце.

Падзеі наслойваюцца на падзеі, і яму, як рэстаўратару, трэба фрагмент за фрагментам адкрываць схаваную выяву. Пакуль яго жывое, моцнае цела робіць крок за крокам, думкі галоўнага героя паволі тонуць у тумане бяспамяцтва. Ці паспее ён знайсці адказы раней, чым забудзецца, навошта іх шукаць?

____________________
Прэкестулен (Кафедра Прапаведніка) — турыстычная славутасць у Нарвегіі. Гэты стромкі ўцёс узвышаецца над Лусе-фіёрдам на 604 м. Скала ўтварылася падчас апошняга ледавіковага перыяду, прыблізна 10 000 гадоў таму, і аднойчы праз глыбокую расколіну ўздоўж яна абваліцца, хоць на сёння геолагі пацвердзілі бяспеку плата.
Узыходжанне на яго даволі складанае, але смяротныя выпадкі на гэтым месцы надзвычай рэдкія, нягледзячы на ​​сотні тысяч наведвальнікаў штогод.