Description
Настольная гульня “Шляхта” / “The Nobility” board game
Гульня выйшла!
Шляхта
Настольная гульня
10+ 20–30 хвілін 2–5 асобаў
© Majsternia Guca Cuca, 2023
Гістарычная гульня «Шляхта» перанясе вас у таямнічыя часы Рэнесансу на нашай зямлі. Вы атрымаеце розныя ўменьні і здабудзеце апякунства выбітных асобаў Вялікага Княства Літоўскага і Рэчы Паспалітай ды ўрэшце пераможаце ўсіх супернікаў!
90 картак разьвіцьця
10 картак шляхцічаў і шляхцянак
5 фішак «Карона» — для шляхетнасьці
8 фішак «Сякера» — для вайсковага майстэрства
8 фішак «Крыж» — для рэлігійнасьці
8 фішак «Птушка» — для майстэрства дыпляматыі
8 фішак «Зьмяя» — для майстэрства альхіміі
8 фішак «Торба» — для заможнасьці
Арцём –
Добрая ідэя. Але ж пытанне – чаму не зрабіць Kickstarter праэкту?
gutenberg –
Kickstarter — гэта вельмі класная платформа.
Тэхнічна як спосаб сабраць грошы з тых, хто даведаецца пра праект ад нас, — варыянт, але ён каштуе 10% ад сумы.
А практычна як спосаб прыцягнення ўвагі — не варыянт: гэта платформа пераважна для яркіх англамоўных праектаў, і лепей бы ім быць звязанымі з сучаснымі тэхналогіямі )
Рэкламаваць усё адно давядзецца самім.
Зрэшты, на Kickstarter мы абавязкова пойдзем, нават ужо ёсць ідэя, з чым — патрэбна трошкі часу падрыхтавацца.
Aliaksei (verified owner) –
Шыкоўная гульня! Выдатная якасць і не складаныя правілі, але ў тый жа час ёсць прастора для стратэгіі! Гуляем з ангельскамоўнымі сябрамі – усё разумеюць 🙂
Заўважылі, што пункт правілаў наконт набыцця дзвух і болей карт шляхты (Nobels Cards) прысутнічае ў беларускім тэксте (старонка 9 апошні абзац), і адсутнічае ў ангельскім (старонка 10 апошні абзац). Вельмі важная механіка, спадзяюся што пафіксіце пераклад у наступных рэдакцыях 🙂
gutenberg –
Дзякуй за так пазiтыўны водгук – мы вельмi старалiся!
Абавязкова ўлiчым вашу заўвагу ў наступным выданнi.
Hanna (verified owner) –
Круцейшая гульня! Гуляем з мужам і сябрамі. Якасць – найвышэйшая, бачна, што зроблена прафесійна. Дзякуй вялікі за такі праект!
gutenberg –
Добры! Гэта вельмі прыемна чытаць!
Проста супер!
Anastasia (verified owner) –
Гульня проста шыкоўная! Набывала ў якасці падарунка мужу, нам вельмі спадабалася, гулялі ўжо неаднаразова і з рознай колькасцю ўдзельнікаў – заўсёды цікава! Раджу спрабаваць!
Cimafej (verified owner) –
Гулялі і з англамоўнымі сябрамі і з Беларусамі з розным ўзроўнем досведу па настолках – гульня спадабалася!
Есць пытанне па правілах: калі фішкі з каронамі скончыліся то больш нельга рэзерваваць карткі ці не атрымоўваеш бонус пры рэзервацыі?
Aliona –
Цудоўная гульня!
З першага разу здаецца, што правілы незразумелыя, але як толькі пачынаеш гуляць, так адразу ўсё лёгка. Гуляем амаль кожны вечар.
Асобна хачу адзначыць мастацкую частку, малюнкі вельмі прыгожыя. Цікавая кніжачка пра гістарычных дзеячаў.
Адзіная заўвага да скрыні. У цэлым усё добра, але хацела б каб месца для фішак было роўненька пад іх колькасць. Каб акуратна паклаў і яны не лёталі туды-сюды.
Спадзяюся што гэта толькі пачатак і ўперадзе будзе яшчэ шмат гульняў.
Аксана –
… Яшчэ, калі дазволіце, хацела б напісаць пра свае ўражанні ад гульні Шляхта. Я вельмі добра ведаю яе прататып, шмат разоў гуляла ў яго, набывала і ў Беларусі, і тут, у Польшчы, разоў дзесяць, і на гульнятэцы, і на падарункі, і ў хатнюю калекцыю. То бок я не зусім ужо з нулявымі ведамі гулец. У мяне ёсць невялікія пытанні, ці не будуць боўтацца ў той скрынцы карткі і жэтоны (але разумею, чаму ўсё выглядае так, як выглядае). Але. Мне вельмі спадабалася далікатная даапрацоўка правілаў гульні, ўсё на сваім месцы, усё неяк па-чалавечы й зразумела. Мне вельмі спадабалася каляровая гама гульні, таксама выглядае аўтэнтычна і арыстакратычна. Вельмі спадабалася, што ёсць гэты буклет, дзе можна аднавіць свае веды пра ўзгаданых гістарычных асобаў. Мяне вельмі кранула прамова ў буклеце, вельмі. Вельмі кранулі гэтыя светлыя твары юныя, амаль што падлеткавыя; твары людзей, якія здолелі нешта зрабіць для нашчадкаў, якія шлі туды, куды іх цягнулі сумленне, прага да ведаў, прага дзейнічаць. А ўвогуле мяне вельмі кранула тое, з якой амаль што фізічна адчувальнай пяшчотай і павагай для мінулага і сучаснага зроблена гэта гульня. Я вельмі ўдзячная ўсім тым, хто спрычыніўся да яе распрацоўкі і выдання. Сяджу і плачу.