Каб забяспечыць найлепшую функцыянальнасць, мы выкарыстоўваем файлы cookie (для захоўвання інфармацыі аб прыладзе і/ці доступу да яе). Згода на выкарыстанне гэтых тэхналогій дазволіць нам апрацоўваць такія дадзеныя як асаблівасці прагляду старонак альбо Вашы ўнікальныя ідэнтыфікатары. Адхіленне гэтай згоды можа негатыўна паўплываць на некаторыя функцыі нашай інтэрнэт-старонкі.
Тэхнічнае захоўванне або доступ з'яўляюцца строга неабходнымі для законных мэт забеспячэння выкарыстання канкрэтнай паслугі, відавочна запытанай абанентам або карыстальнікам, або з адзінай мэтай ажыццяўлення перадачы паведамлення па сетцы электроннай сувязі.
The technical storage or access is necessary for the legitimate purpose of storing preferences that are not requested by the subscriber or user.
Тэхнічнае сховішча або доступ, які выкарыстоўваецца выключна ў статыстычных мэтах.
The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Тэхнічнае сховішча або доступ патрабуецца для стварэння профіляў карыстальнікаў для адпраўкі рэкламы або для адсочвання карыстальніка на вэб-сайце або некалькіх вэб-сайтах для падобных маркетынгавых мэтаў.
Проза
Паэзія
Пераклады
Дзеткам
Мапы
Гульні
В. Г. –
Некалі даўно, як ужо звык казаць – у тым жыцці, на сустрэчы з калегамі-пісьменнікамі ў інстытуце літаратуразнаўства Акадэміі навук казаў пра галоўны мінус беларускай дзіцячай літаратуры – яна не мае кніг-серый. Ну, літаральна адзінкавыя аўтары і кнігі, і тое з вялікай нацяжкай іх можна параўнаць з тымі ж прыгодамі Пэтсана і Фіндуса, мамы Му… А хіба ж поспех названых кніг не ўключае ў сябе і доўгую, серыяльную гісторыю? Для мяне – безумоўна. Калі атрымаўся яркі і запамінальны герой, чытанне такіх кніг – як гульня, а добрая гульня заўсёды вымушае працягу.
Таму быў рады, калі Ганна Янкута пасля паспяховага выхаду напісала другую, а пазней і трэцюю кнігу пра ката Шпрота. Ужо сама назва кнігі прыцягвае ўвагу мянушкай ката: лёгка запамінаецца, выклікае добрую ўсмешку, вершаваная быццам і злёгку загадкавая. Удала выбрана лакацыя падзей – наш, сучасны горад. Кот запамінаецца сваім розумам, інтэлігентнасцю. Ён – асоба. Таямнічае жыццё парку абуджае фантазію і адначасова робіць саму ноч загадкавай, але не страшнай, што надта важна.
Зрэшты, поспех серыі сам кажа за сябе. Дзякуй Богу, ісціна пра серыі прыгод распаўсюдзілася па Беларусі, не выключаю, што і з-за папулярнасці ката Шпрота. Кажуць, столькі ўжо ўсяго напісана, як тут прыдумаць новага запамінальнага героя, але ж – магчымасці ёсць, а дзіцячага пісьменніка вылучае сярод іншых ягоная добрая фантазія. Добрая – не сэнсе паспяховая, а сэнсе свету і цяпла ў ёй.
Водгук В. Г. з сайта bellit.store.
xbohx –
Перыядычна знаёмлюся з творамі для дзяцей, каб быць у курсе навінак і ведаць, што параіць маленькім чытачам. На жаль, сучасная беларуская дзіцячая літаратура радуе мяне даволі рэдка, але вось, з’явіўся цудоўны кот Шпрот ад выдавецтва “Янушкевіч”. Адразу скажу, што да коцікаў я раўнадушная, таму тут не будзе “мімімі” і “сюсюсю”. Але ілюстрацыі ў кнізе даволі прывабныя (мастачка Лілія Давыдоўская), кот Шпрот атрымаўся такім арыстракратам, з хустачкай, павязанай на шыю.
Ці ведалі вы, што паркі атракцыёнаў жывуць двайным жыццём? Днём яны катаюць людзей, туды бацькі прыходзяць з дзецьмі, каб весела правесці час. А ноччу ў парку з’яўляюцца зусім іншыя наведвальнікі, напрыклад, мышы. Ім жа таксама хочацца павесяліцца і пакатацца на амерыканскіх горках ды іншых атракцыёнах, а незаўважна для людзей гэта можна рабіць толькі ноччу. І вось аднойчы ўночы на адным з атракцыёнаў зніклі тры мышы. Весткі гэтыя скалыхнулі жывёльны свет і даляцелі да ката Шпрота, які жыве недалёка ад парка Чалюскінцаў. Разам з мясцовымі духамі ён вырашае расследаваць гэтае незвычайнае здарэнне.
Тэкст даволі дынамічны, атрымалася містычна-дэтэктыўная гісторыя, якую цудоўна чытаць у цёплы дзень, калі можна ўзяць з сабой кнігу і паехаць у парк. Там сесці на лавачку і пачытаць разам з дзецьмі пра прыгоды ката Шпрота, а потым пакатацца на тых загадкавых атракцыёнах, на якіх знікаюць мышы. Для тых, хто не вельмі ўяўляе, што гэта за парк Чалюскінцаў, на форзацах размешчаная ілюстраваная мапа парка і ваколіцаў. Цікава, што помнік Калініну на гэтай мапе атрымаў назву “Безыменны помнік”.
Вялікі шрыфт, яркія каляровыя ілюстрацыі, крэйдаваная папера, фармат набліжаны да А4. Цудоўнае чытанне гадоў з 4, нічым не горш за папулярных цяпер Фіндуса і Пэтсана.
Зірніце ўважліва на свайго ката. Можа і ён хавае ад вас нейкія таямніцы? Напрыклад, сяброўства з духамі.
А пакуль вакол ціха, людзі спяць і думаюць, што за вокнамі нічога не адбываецца. Ну і хай сабе думаюць. Мы цяпер ведаем, што ўсё ў гэтым горадзе трошкі не такое, якім здаецца на першы погляд.
Водгук Насты К. (xbohx) з сайта bellit.store.