Апісанне

«Доўгая дарога дадому» — аўтабіяграфія найважнейшага беларускага пісьменніка XX стагоддзя, якая напачатку салодка смакуе грушамі з вясковага саду пад Віцебскам. Сялянская ідылія хутка саступае месца катаклізмам, што абрынуліся на Беларусь у мінулым стагоддзі: калектывізацыі, савецкім чысткам, знішчальнай барацьбе з нямецкімі захопнікамі.

Драматычны ваенны досвед кладзецца ценем на ўсё астатняе жыццё пісьменніка, але менавіта ён прыносіць яму сусветную славу. Чым бліжэй да сучаснасці падзеі ў аповедзе, тым менш ахвотна аўтар піша пра сябе і тым больш — пра іншых.

Мы дзякуем яму за партрэты найважнейшых творцаў савецкай літаратуры, магчымасць зазірнуць за кулісы камуністычнай цэнзуры, якая здзяйснялася рукамі ўласных калег, і веды пра полымя беларускага нацыянальнага адраджэння ў канцы васьмідзесятых гадоў.

Насуперак усім ударам лёсу, «Доўгая дарога дадому» прасякнутая перакананасцю ва ўніверсальнай прыгажосці беларускай культуры і яе заслужаным месцы ў Еўропе.