Апісанне

Кніга Алега Латышонка «Жаўнеры БНР» змяшчае пад сваёй вокладкай шматгадовую працу аўтара ў галіне беларускай вайсковай справы. У яе аснову пакладзены пераклад кандыдацкай дысертацыі аб беларускіх вайсковых фармаваннях 1917–1923 гадоў. Упершыню гэтая праца была апублікавана на польскай мове яшчэ ў 1995 годзе.

Наступны блок адкрывае вялікае навукова-папулярнае эсэ пра генерала С. Булак-Балаховіча. Эсэ дапаўняюць навуковыя артыкулы, прысвечаныя розным аспектам жыцця і дзейнасці генерала. Гэтыя два блокі папоўнены шматлікімі артыкуламі, прысвечанымі асобным беларускім фармаванням у розных арміях і выдатным беларускім вайскоўцам таго часу, а таксама палітычным аспектам змагання за БНР.

Асобны блок складаюць артыкулы, прысвечаныя ўдзелу беларусаў Беласточчыны ў змаганні за незалежную Беларусь. Чацвёртае выданне кнігі дапаўняе «Прадмова» прафесара Варшаўскага ўніверсітэта Юрыя Грыбоўскага.