Апісанне

«Сонм-Трава: граняслоўі» — унікальны зборнік Андрэя Бурсава, дзе сабраныя творы з папярэдніх кніг, новыя вершы, пераклады, а таксама тэксты, што доўгі час былі раскіданыя па інтэрнэце. Гэта літаратурны алхімічны досвед, у якім мова становіцца чарадзействам: аўтар выкарыстоўвае ўласны эстэтычны правапіс, спалучае старабеларускае, англійскае і фантастычнае — і прапаноўвае чытачу няпросты, але ўзнёслы маршрут праз словы і думкі.

Новая кніга Андрэя Бурсава атрымалася шакавальным, неапісальнай прыгажосьці зоркападам на даляглядзе беларускай літаратуры. Паэт, перакладнік, мастак і знаўца моваў ставіць пад сумнеў асновы і наркамаўкі, і тарашкевіцы, і прапануе ўласны мудрагелісты і эстэтычны правапіс, які лёгкім дотыкам чараўніка абуджае старабеларускую мову. Дадушы, нічога падобнага дасюль у беларускай літаратуры не зьяўлялася. (Уладзіслаў Гарбацкі)

Андрэй Бурсаў — паэт, перакладнік, мастак і фатограф. Аўтар зборнікаў паэзіі і перакладаў «Дзівін» (2002) і «Празьнеб’е» (2009). Жыве і творыць у Менску.

У «Сонм-Траву» ўвайшлі выбраныя тэксты розных гадоў, вершы, напісаныя паэтам па-англійску, і пераклады з розных моваў.