Апісанне

…Гэта ўсё былі толькі прывіды ночы, фантомы розуму, што блукаюць у цемры. І хаця яму давялося пабачыць іх шмат і нават аднойчы падчас самотнага шпацыру сутыкнуцца з самім сатаною, дзённае святло заўжды адольвала ўсю гэтую чартаўшчыну, і тады ён мог весці звычайнае, прыемнае жыццё без страху перад сіламі з таго свету.
“Легенда Соннай Лагчыны”

У кнігу ўвайшлі тры містычныя апавяданні: “Легенда Соннай Лагчыны”, “Рып Ван Вінкль” і “Жаніх-здань”. Вашынгтон Ірвінг умее скрозь добрую ўсмешку расказваць гісторыі, ад якіх кроў магла б застыгнуць у жылах, вазьміся за яе чалавек, які хоча вас напалохаць. Але гэты аўтар не хоча вас палохаць, вам утульна і бяспечна ў яго кампаніі. Разам з ім вы пасмяецеся над жыццём і здарэннямі і закрыеце кніжку з прыемным паслясмакам раскрытай таямніцы і хэпі-энду.⁸

У партнёрстве з «Кніжным возам» выйшла аўдыёверсія кніжкі. Будзе таямніча, загадкава і страшна атмасферна.

На «Кніжным возе»  ўжо цяпер вы можаце паслухаць толькі адну з гісторый.  Аўдыёкніга цалкам даступная на буйных пляцоўках за невялікую плату.

Шукайце даступныя платформы тут

Шыкоўную анімаваную версію “Рыпа Ван Вінкля” з неймавернай графікай Насты Камінскай шукайце на YouTube-канале «Кніжнага возу».

Вашынгтан Ірвінг «Легенда Соннай Лагчыны»
Пераклад Андрэя Дубовіка. Рэдактарка – Любоў Субат

Чытае Ісай Свістулькін
Мантаж і апрацоўка гуку – Аляксей Безбарабанаў
Рэдактарка запісу – Крысціна Дробыш
Музыка створаная пры дапамозе штучнага інтэлекту

Агучана з любоўю да кожнага слова ❤️