Апісанне

“Усё пачалося перад сесіяй… Бэз тады цвіў…”

У вашых руках не проста “Галоўная памылка Афанасія” Югасі Каляды, а ўгрэўныя прыгоды з незваротна растрачаных нулявых, дзе ў мета-прозе сплялося бесклапотнае студэнцтва, курортны Крым, піўныя рэкі, а таксама гігабайты кахання ў самых розных ягоных праявах, ды якое з вялікай доляй верагоднасці ‒ адно міраж. Аўтарка дзёрзка ператварае цёплыя ўспаміны ў халодную зброю, від помсты, а персанажаў – у лялек Вуду.

“Гераіні Югасі Каляды – асобы звышэмацыянальныя, для якіх творчасць – гэта спосаб выпускання пары, спосаб накіроўвання лішняй энергіі ў сацыяльна прымальнае рэчышча. Фантазіяванне на паперы для іх – як пусканне крыві, што некалі практыкавалася дактарамі, і «творапусканне» ратуе гераіняў кнігі ад жыцця і адначасова вяртае іх у жыццё”.